Udhëzuesi i Fiscal Pro: fiskalizimi dhe kontabiliteti
Mirë se vini. Fiscal Pro është platforma shqiptare e fiskalizimit dhe kontabilitetit që lidh biznesin tuaj me platformën qendrore të faturave (CIS) të Drejtorisë së Përgjithshme të Tatimeve (DPT).
Çdo faturë që lëshoni regjistrohet në kohë reale te administrata tatimore dhe pajiset me kodin fiskal e me kodin QR të verifikimit, në përputhje me Ligjin Nr. 87/2019 "Për faturën dhe sistemin e monitorimit të qarkullimit".
Çfarë ju duhet para faturës së parë
Tri gjëra, pa të cilat fiskalizimi nuk nis:
- NIPT-i dhe njësia e biznesit, të regjistruara te platforma qendrore e faturave (CIS). Çdo njësi merr një kod të vetin nga CIS.
- Certifikata elektronike (skedari
.p12), e lëshuar nga Agjencia Kombëtare e Shoqërisë së Informacionit (AKSHI) dhe e marrë përmes e-Albania. Pa certifikatë të vlefshme nuk ka nënshkrim, dhe pa nënshkrim nuk ka fiskalizim: shihni si merret dhe si ngarkohet. - Arka fiskale (TCR), e regjistruar në CIS, nëse do të lëshoni fatura me para në dorë.
Si t'ia nisni, sipas punës që bëni
- Lëshoni fatura çdo ditë te banaku ose te zyra: nisuni te Regjistrimi, pastaj te faturat e thjeshta (B2C) dhe te Arka.
- Ju ka rënë lidhja gjatë shitjes: shihni çfarë ndodh me faturën dhe si sinkronizohet.
- Mbani kontabilitetin e një ose disa bizneseve: nisuni te Plani kontabël, pastaj te Ditari kontabël dhe te Raportet financiare.
- Lidhni sistemin tuaj me Fiscal Pro-n: nisuni te API për zhvillues dhe te Autentikimi.
Dy produktet e platformës
- Fiskalizimi (Paneli Web) (web.fiskalpro.al): për operatorët dhe administratorët e biznesit që lëshojnë fatura çdo ditë:
- fatura të thjeshta (B2C, kuponi tatimor) dhe fatura elektronike (B2B);
- fleta shoqëruese (WTN) për transportin e mallrave;
- arkat (TCR), hapja dhe mbyllja e arkës, depozitimet dhe tërheqjet;
- inventari, magazinat, faturat e blerjes dhe raportet e shitjeve.
- Kontabiliteti (Paneli i Kontabilitetit) (menaxher.fiskalpro.com.al): për menaxherët dhe kontabilistët që ndjekin një ose disa biznese:
- plani kontabël, ditari dhe periudhat kontabël;
- shpenzimet, faturat e furnitorëve dhe banka;
- raportet financiare (bilanci, pasqyra e të ardhurave, fluksi i parasë).
Si të lundroni në dokumentacion
Mirë se vini
Udhëzues në shqip për fiskalizimin dhe kontabilitetin: faturë e thjeshtë (B2C), faturë elektronike (B2B), fleta shoqëruese (WTN), arka, raportet dhe API.
Fillimi i shpejtë
5 artikuj
Fiskalizimi (Paneli Web)
12 artikuj
Kontabiliteti (Paneli i Kontabilitetit)
10 artikuj
Portali i menaxherit
3 artikuj
API për zhvillues
2 artikuj
Pyetje të shpeshta
Përgjigje të shkurtra për punën e përditshme me Fiscal Pro: interneti që bie, fiskalizimi që dështon, certifikata, mënyrat e pagesës dhe ruajtja e faturave.
Të gjitha ekranet e këtij udhëzuesi janë të hapura te demoja publike, pa llogari dhe pa certifikatë. Kur të doni një ofertë ose një demo të drejtuar për biznesin tuaj, na shkruani te fiskalpro.al/kontakt.